?

Log in

No account? Create an account

Հայկական լրատվական բլոգ

2008 թ. մայիսին կհայտարարվի Հայաստանում բջջային կապի երրորդ օպերատորի ներգրավման հայտամրցույթ

Հայկական լրատվական բլոգ

2008 թ. մայիսին կհայտարարվի Հայաստանում բջջային կապի երրորդ օպերատորի ներգրավման հայտամրցույթ

Previous Entry Share Next Entry

2008 թ. մայիսին կհայտարարվի Հայաստանի հեռահաղորդակցության շուկա բջջային կապի երրորդ օպերատորի ներգրավման միջազգային հայտամրցույթ: Այդ մասին ԱրմԻնֆո-ի թղթակցին հաղորդել են ՀՀ տրանսպորտի և կապի նախարարության մամլո ծառայությունում:

Աղբյուրի տվյալներով, հայտամրցույթում կվիճարկվի ՀՀ-ում GSM 900/1800 ստանդարտով բջջային կապի ծառայությունների մատուցման համար լիցենզիայի և ռադիոհաճախությունների ստացման իրավունքը: Հայտամրցութային հանձնաժողով, որը գլխավորում է ՀՀ տրանսպորտի և կապի նախարար Անդրանիկ Մանուկյանը, հայտեր կարող են ներկայացվել մրցույթի հայտարարման պահից 90 օրվա ընթացքում: Նախարարությունում նշել են, որ դեռևս ճշտված չեն մրցույթի պայմանները և մեկնարկի ժամկետը:

Հիշեցնենք, որ ներկայումս Հայաստանում բջջային կապի ծառայություններ են մատուցում ՙԱրմենՏել՚ ՓԲԸ-ն /ռուսաստանյան ՙՎիմպելԿոմ՚ ԲԲԸ 100% դուստր ընկերությունը/ և ՙՂ-Տելեկոմ՚ ընկերությունը` VivaCell ապրանքանիշով (բաժնետոմսերի 80%-ը պատկանում է ռուսաստանյան МТС օպերատորին): Ըստ փորձագիտական գնահատման, 2007 թ. վերջին բաժանորդների թիվը կազմել է 1,9  մլն, այդ թվում`ՙVivaCell՚ ընկերության 1,2 մլն և ՙԱրմենՏել՚ ընկերության `700 հազար բաժանորդ: Հայաստանում բջջային կապի ներթափանցումը 2007 թ. վերջի դրությամբ գնահատվում է 65%:

  • Stats

    (Anonymous)
    հարգելի դիտորդ, խորապես համոզված եմ, որ որեւէ ինֆորմացիա զետեղելուց առաջ անհրաժեշտ է ստուգել իսկությւոնը, կամ առնվազն նշել աղբյուրը:
    Գլուխները պատով են տվել այդ "փորձագետները" արմենթելի բջջային բաժանորդներին հաշվելիս: Շատ ուժեղ են տվել, թերեւս:
    Համենայն դեպս, ս.թ. մարտի 12-ին Վիմպելկոմը ողջ աշխարհին եւ Նյու-Յորքի ֆոնդային բորսային է ներկայցրել իր բաժանորդների թիվը` ըստ երկրների: Հայաստանում 2007-ի վերջին եռամսյակի արդյունքներով` արմենթելն ուներ մոտ 444.000 բաժանորդ եւ կայուն նվազող դինամիկա: Եւ ես անմտություն եմ համարում այն տեսակետը, թե արմենթելը դդխկ ու ունեցավ 700.000 բաժանորդ` եւս 40.000 կորցնելու փոխարեն:
    Եթե ուշադիր նայեք շնորհանդեսը, կտեսնեք` 483.000-ից կրճատվել է մինչեւ 444.000:
    Իսկ ես, որպես փորձագետ, պնդում եմ, որ ներկա դրությամբ` առաջին եռամսյակի վերջին, կրճատվել է եւս մոտ 40.000-ով:
    Տեսնում եք` 400.000:

    http://www.vimpelcom.com/news/qrep.wbp
    http://www.vimpelcom.com/mediacache/69f7b5b0-b4b6-43eb-950f-70ea73e27144.ppt
    • Re: Stats

      Շնորհակալ եմ մեկնաբանության համար: Այս տեղեկատվությունն ինձ ուղարկվել էր ԱրմԻնֆո-ից: Այն հանգամանքը, որ ես այս նյութը զետեղել եմ բլոգում, նշանակում է, որ ես պատրաստ եմ քննարկել դրված նյութը: Անկեղծ ասած, ինքս էլ զարմացած էի, երբ տեսա Արմենթելի 700,000-ը:

      Տրված 69f7b5b0-b4b6-43eb-950f-70ea73e27144.ppt պրեզենտացիայում իսկապես երեւում է 0.4 մլն բաժանորդի գրաֆիկական պատկեր, սակայն հստակ թիվ չի երեւում, իսկ ձեր նշած «նվազող» դինամիկան ընդհանրապես չի արտացոլվում վերջին երկու եռամսյակների արդյունքում, թեեւ պետք է խոստովանեւմ, որ ես պրազենտացիայի վրայից շատ արագ եմ անցել` ժամանակը չի ներում խորանալ թվերի մեջ: Ինչեւէ, հայցում եմ ձեր օգնությունը այս հարցում: Բացի այդ, նվազող դինամիկայի մասին խոսելը կարծում եմ դեռ վաղ է: Ես ինքս հանդիսանում եմ եւ Արմենթելի, եւ Վիվասելի բաժանորդ, եւ կարող եմ պնդել, որ վերջին եռամսյակում Արմենթելը զգալիորեն լավ է աշխատում Վիվասելից: Ընդ որում, Վիվասելի ինտերնետն այնքան է վատացել, որ պատրաստվում եմ հրաժարվել 100 մբ. ինտերնետային փաթեթից, քանի որ կապի դանդաղության հետեւանքով մեկ ամսում առնվազն կարողանում եմ օգտագործել 25-30 մեգաբայթ: Բացի այդ, Վիվայի ինտերնետը նաեւ զգալիորեն ավելի թանկ է:
      • Re: Stats

        (Anonymous)
        խոսքը երեսունչորսերորդ էջի մասին է:

        Ավելի հստակ` այստեղ. http://img528.imageshack.us/my.php?image=mtul8.jpg


        իսկ ՎիվաՍելից գանգատվել պետք չէ, առավել եւս` ինձ: ՎիվաՍելի աշխատակից չեմ, այլ պարզապես փորձագետ, ով գլուխ է հանում եկրու օպերատորների գործերից էլ եւ ուշադիր հետեւում է համաշխարհային գործընթացներին:
        Արմենթելը լավ է աշխատում ցանցի թերբեռնվածության շնորհիվ, ուրիշ պատճառ չկա:
        Տեխնոլոգիապես ՎիվաՍելը մի քանի քայլ առաջ է:

        Եւ որպես փորձագետ խորհուրդ կտամ չշտապել հրաժարվել ՎիվաՍելի ծառայույթյուններից եւ հենց ապրիլի մեկից սպասել անակնկալների` հետեւելով պաշտոնական կայքէջին կամ կոմպետենտ աղբյուրների հաղորդագրություններին:
        Իսկ Արմինֆոն հարյուրհազարերորդ անգամ վարկաբեկեց իրեն` կրկին կասկածի տակ դնելով իր հեղինակությունը:
Powered by LiveJournal.com